Merkigarður,

561 Varmahlíð

Sjá allar myndir stórar

NÁNARI LÝSING

Jörðin Merkigarður
 
Til sölu jörðin Merkigarður Skagafirði landnúmer 146206.
Stærð jarðarinnar er u.þ.b. 200 ha. þar af um 15 ha ræktað tún og um 60 - 70 ha skógi vaxið land. Hluti af jörðinni fylgir skógræktarsamningur við Norðurlandsskóga og gróðursettar hafa verið um 150 þúsund plöntur síðan 2002. Nýir eigendur þurfa ekki að endurnýja samninginn.  Byrjað er að grisja skóginn sem gerir ábúendum kleift að nýta viðinn í eldivið eða kurla hann fyrir göngustíga og undirburð fyrir hesta og styttist í aðra möguleika. 
 
Jörðin Merkigarður er í miðjum Skagafirði á svæði sem er mjög skjólsælt og veðrátta yfirleitt mjög góð. Jörðin er staðsett vestan til í ás sem liggur norður og suður í miðjum Skagafirði og eru kallaðar Eggjar á milli Héraðsvatna og Svartár. Bæði staðsetning og vegna uppkomins skóglendis er mikil veðursæld á svæðinu og á sumrin nær kvöldsólin að skína allt fram yfir miðnætti.  Jörðin á land að Svartá sem er með urriða og er í útleigu. Vegurinn heima að jörðinni fer í gegnum Steinstaðaþorpið og endar heim við bæinn og því engin umferð um landið eða landið slitið sundur af vegi.
 
Á jörðinni er gott íbúðarhús um 105 m2 með góðri timburverönd og heitum potti. Húsið hefur verið dálítið endurnýja, eldhúsinnrétting nýir gluggar, nýleg rotþró og nýlega tengt kaldavatnslögn úr uppsprettu við bæinn. Í húsinu er hitaveita sem kemur frá Steinsstöðum og ljósleiðari.  Húsið er með þremur herbergjum, stofu, eldhúsi forstofu og búri eða geymslu
 
Á jörðinni er um 62 fm. vélageymsla og hesthús með stíum fyrir allt að 8 hesta.

Staðsetning jarðarinnar er þannig að stutt er bæði upp á Kjalveg og Sprengisand. Jörðin er um 10 km. frá Varmahlíð og 32 km frá Sauðárkróki.  Rúmlega klukkustundar akstur frá Akureyri og þriggja tíma akstri frá Reykjavík.
 
Núverandi eigendur hafa skipulagt lóðir fyrir frístundarhús á um 17 ha svæði,  gert göngu og hjólastíga, drög að húsateikningum fyrir húsin á svæðinu, samtals 18 lóðum, reiðleiðum, og möguleika á golfvelli.
 
Jörðin er eitt áhugaverðasta útivistarjörð á Norðurlandi
 Allar nánari upplýsingar veitir Baldvin Ómar í síma 898-1177, [email protected]  eða á skrifstofu Húseignar í síma 585-0100